美观又实用!日本昭和怀旧迷你家电系列
编辑时间:2020-07-31 作者:
日本于今年5月1日迈入新年号「令和」,揭开历史新一页,不过向前看的同时,也不忘旧日的美好。有日本玩具家电商推出迷你昭和怀旧电器系列,全部睇得又用得,真係超得意呀!

昭和(1926-1989)是日本使用最长的年号,见证着日本的发展和兴衰,人民生活、社会发展经历重大改变。日本是世界电子业的先驱,其出产和设计的电器耐用、美观,历久不衰,如果你是怀旧爱好者,但空间有限,这套怀旧家电就啱晒你!

昭和电风扇

呢部座枱风扇嘅银色金属罩,仲有蓝色扇叶,勾起咗几多代人嘅回忆呢?就算屋企冇用过,睇电视电影都一定有见过。呢部迷你昭和风扇只有17cm高,摆喺书枱唔阻位,摆喺办公桌就更加吸睛。

美观又实用!日本昭和怀旧迷你家电系列
售价 3,480円(含税)/ HK$252
美观又实用!日本昭和怀旧迷你家电系列
有强弱、风向同计时功能,製作超级认真。
美观又实用!日本昭和怀旧迷你家电系列
连接USB即可使用。

美观又实用!日本昭和怀旧迷你家电系列昭和Smart TV

呢部Smart TV连埋啡色怀旧电视柜造型首先已经攞满分,须配合手提电话使用,扭吓右下角嘅金色旋钮,竟然可以转台!如果阁下睇过「大牛龟」电视,一定试过讯号唔清而出现雪花,呢个时候你会点做呢?冇错,就係狂拍电视机顶,估唔到呢个功能都加埋入去,劲过瘾呀!

美观又实用!日本昭和怀旧迷你家电系列
售价 3,980円(含税)/ HK$288
美观又实用!日本昭和怀旧迷你家电系列
电视萤幕其实係手机屏幕嚟。
昭和黑胶唱机

讲到怀旧电器,又点少得黑胶唱机?只要连上手机蓝芽就变身成为怀旧喇叭,只要放下唱针,唱盘就会转动,好似真係播紧黑胶咁。

美观又实用!日本昭和怀旧迷你家电系列
售价 4,980円(含税)/ HK$360

昭和录音收音机

听cassette带係好多人嘅青春回忆,想当年捕住电台录低心爱偶像嘅歌、抄歌词,录低一饼精选歌嘅录音带送畀暗恋对象,绝对係以前青春电影嘅桥段。咪睇呢部录音机细细部,只有一只手掌咁大,但係有齐录音、播音同收音机功能,一啲都唔儿戏㗎!

美观又实用!日本昭和怀旧迷你家电系列
售价 5,480円(含税)/ HK$397

上一篇: 下一篇: